Үйлчилгээ үзүүлэгчийн нөхцөл

Хүчин төгөлдөр болох: 2026 оны 10-р сарын 19 — тэр өдрөөс эхлэн дахин зөвшөөрөл асууна

Шүүгч, дасгалжуулагч, эмч зэрэг бие даасан үйлчилгээ үзүүлэгчийн нөхцөл: шимтгэл, цуцлалт, хариуцлага.

1. Бие даасан үйлчилгээ үзүүлэгч

Та платформын ажилтан биш, бие даасан үйлчилгээ үзүүлэгч юм. Ажлаа өөрөө сонгож, үнэ, сул цагаа өөрөө тогтооно. Орлогын татвараа өөрөө хариуцна.

Бүртгэлийн үед мэргэжлийн үнэмлэх, зэрэг, туршлагаа үнэн зөв оруулна. Бид шалгаад баталгаажуулна.
Үнэмлэхээ солиход дахин шалгана. Хуурамч мэдээлэл оруулбал бүртгэлийг цуцална.

Захиалагчийн төлсөн мөнгийг ажил дуустал платформ хадгална. Ажлын цаг дуусмагц платформын шимтгэл 10%-ийг хасаад үлдсэнийг таны бүртгэлтэй дансанд автоматаар шилжүүлнэ.
Данс солиход бүртгэлтэй утсанд тань SMS мэдэгдэл очно. Аюулгүй байдлын үүднээс данс солигдсоноос хойш 48 цагийн турш шилжүүлэг хийхгүй.
Захиалагч QPay-ээр төлөхдөө 1% гүйлгээний шимтгэлийг нэмж төлнө — таны орлогоос хасагдахгүй.
Захиалагчтай платформоос гадуур тохиролцож, шимтгэлээс зайлсхийхийг хориглоно.

Та баталгаажсан ажлаас татгалзвал захиалагчид хадгалсан мөнгийг бүтнээр нь буцааж, тухайн ажлаас танд шилжих мөнгө байхгүй. Таны найдвартай байдлын оноо буурна. Бусад шалтгаанаар үүссэн өрийг дараагийн орлогоос (нэг удаад 50%-иас ихгүй) суутгана.
Захиалагч цуцлахад «Үйлчилгээний нөхцөл»-ийн шатлал үйлчилнэ: захиалагчид буцаагаагүй хэсгээс шимтгэл хасаад ажлын цаг дуусахад танд шилжинэ.
Заал захиалгыг цуцалбал захиалагчид бүтнээр буцаана. Таны ажил цуцлагдана.

Цагтаа ирж, мэргэжлийн ёс зүйг баримтална. Тоглогчдыг ялгаварлахгүй, аюулгүй байдлыг эрхэмлэнэ.
Заал гадны үйлчилгээ үзүүлэгч оруулахгүй гэж тохируулсан бол тухайн заалд ажиллахгүй.
Захиалагчийн мэдээллийг зөвхөн тухайн ажилтай холбоотой ашиглана.
Гэрэл зурагчин, эмч зэрэг үйлчилгээ үзүүлэгч тоглогчийн зураг, бичлэг, эрүүл мэндийн мэдээллийг зөвхөн тухайн ажлын хүрээнд, тэдний (хүүхэд бол эцэг, эхийн) зөвшөөрлөөр цуглуулж, гуравдагч этгээдэд дамжуулахгүй, нийтэд тавихгүй.

Энэ нөхцөлд заагаагүй асуудалд «Үйлчилгээний нөхцөл», «Нууцлалын бодлого» үйлчилнэ.

«Смарт Эйкшн» ХХК (регистр 4435575), Орхон аймаг, Баян-Өндөр сум, Баянцагаан баг, ДЦС5-515
Утас: 9925-2662 (Даваа–Баасан 09:00–18:00)
Имэйл: info@gozaal.mn