Тусламж, гарын авлага

1. Захиалагч

Нэвтрэхгүйгээр заал, сул цагийг харж болно. Захиалахдаа утасны дугаараа оруулж, SMS-ээр ирсэн кодоор нэвтэрнэ.

Заал хайх

1. Нүүр хуудасны дээд буланд байршлаа сонгоно — 21 аймаг, Улаанбаатар хот.
2. Сум, дүүрэг, спорт, өдрөө сонгож шүүнэ. «Газрын зураг»-аар газрын зураг дээр харж болно.
3. Жагсаалтаас заалаа дарж дэлгэрэнгүйг нээнэ.

Цаг сонгож захиалах, төлөх

1. «Сул цаг» хэсгээс өдөр, талбайгаа сонгоод тоглох цагуудаа дараалуулан дарна. «Үргэлжлүүлэх».
2. Спорт, тоглох хүний тоо, хэрэгтэй бол нэмэлт үйлчилгээ сонгоод «Захиалаад төлөх».
3. Цаг 10 минут танд хадгалагдана — QPay нэхэмжлэхээр банкны аппаа сонгож эсвэл QR кодоор төлнө. Төлбөр ормогц захиалга баталгаажиж, захиалгын код гарна.

Харагдах цагийн үнэд бүх зүйл багтсан — тусдаа хураамж, QPay-ийн шимтгэл нэмэгдэхгүй. Мөнгө тоглолт дуустал платформд хадгалагдаж, дууссаны дараа заалд шилжинэ.

Цуцлах ба буцаалт

«Миний захиалга» → захиалга → «Захиалга цуцлах». Цонхонд яг хэдэн төгрөг буцахыг харуулна.

• Заал цуцалбал өөр цаг, заал санал болгоно; зөвшөөрөхгүй бол төлсөн мөнгийг бүтнээр буцаана.
• Тоглох боломжгүй байвал эхэлснээс хойш 15 минутын дотор «Асуудал мэдэгдэх»-ээр зурагтай гомдол гаргана; үндэслэлтэй бол бүтнээр буцна.

Хамтдаа тоглох

• Нээлттэй тоглолт — захиалсан заал эсвэл үнэгүй талбайдаа хүн цуглуулна. Төлбөртэй бол хүн бүр хувиа апп-аар төлж, тоглолт дууссаны дараа 5% шимтгэл хасаад зохион байгуулагчид шилжинэ.
• Баг нийлүүлэх — хэдэн хүнтэй, хэзээ, хаана тоглохоо бичнэ. Тохирох бүлэгт урилга илгээнэ; уригдсан бүлэг 12 цагийн дотор зөвшөөрөхгүй бол урилга хүчингүй болно. Хоёр тал зөвшөөрсний дараа чатаар цаг, заалаа тохирно.
• Тэмцээн — бүртгэлтэй тэмцээнд багаараа бүртгүүлнэ.

2. Заалын эзэмшигч

Заал бүртгүүлэх үнэгүй, заалаас шимтгэл авахгүй — таны тогтоосон цагийн үнийг бүтнээр шилжүүлнэ. Сайтад таны үнэ дээр цаг тутамд 5,000₮ нэмж харуулдаг бөгөөд үүнийг захиалагч төлнө.

Бүртгүүлэх, баталгаажуулах

1. Нэвтэрнэ → «Миний заал» → «+». Нэр, аймаг, сум, хаягаа оруулж Заалын түншийн нөхцөлийг зөвшөөрнө.
2. «Мэдээлэл» → «Гэрээ ба баталгаажуулалт»: түнш (байгууллага эсвэл хувь хүн), баримт (гэрчилгээ эсвэл иргэний үнэмлэх; өмчийн гэрчилгээ эсвэл түрээсийн гэрээ — дуусахаас 30 хоногийн өмнө сануулна), тоон гарын үсгээр гэрээ, орлогын данс.
3. Талбай, ажлын цаг, үнэ, зураг, захиалгын тохиргоог бөглөсний дараа админ шалгаж нийтэд нээнэ.

Тохиргоо

• Талбай — хэсэг, багтаамж, тоглож болох спорт. Жагсаалтад байхгүй спортыг «Нэмүүлэх хүсэлт»-ээр хүснэ.
• Ажлын цаг, үнэ (оргил, энгийн цаг), зураг, нэмэлт үйлчилгээ (бөмбөг, хантааз, шүүгч).
• Захиалгын тохиргоо — шууд захиалга эсвэл баталгаажуулалт; амралтын өдөр, байнгын хуваарь; секц, дугуйлан; ажилтан.

Хуваарь, орлого

• «Хуваарь» — өдрийн захиалга, код; «Хүсэлт» — баталгаажуулалттай захиалгыг зөвшөөрөх.
• Цуцлах бол аль болох эрт: 72-аас дээш цаг үлдсэн бол торгуульгүй; 24–72 цаг бол платформын хэсгийг, 24 цагаас бага бол нэмж хөнгөлөлтийн эрхийн зардлыг заал хариуцна.
• Мөнгө тоглолт дуусмагц дансанд автоматаар шилжинэ. Өр байвал дараагийн орлогоос нэг удаад 50%-иас ихгүй суутгана.
• Данс солихдоо тодорхойлолт оруулж, бидний хийсэн 10–99₮-ийн шилжүүлгийн дүн эсвэл кодыг оруулна (5 оролдлого). Данс солигдсоноос хойш 48 цаг шилжүүлэг хийхгүй.

3. Шүүгч, дасгалжуулагч

Нэг хүн хэд хэдэн үүрэг (шүүгч, дасгалжуулагч, эмч…) гүйцэтгэж болно — үүрэг бүр өөрийн спорт, түвшин, туршлага, үнэтэй.

3 алхмаар бүртгүүлэх

1. «Профайл» → «Шүүгч, дасгалжуулагчаар бүртгүүлэх».
2. Хэн бэ — үнэмлэх дээрх овог нэр (орлогын данс энэ нэр дээр), харагдах нэр, үйлчлэх аймаг, сум.
3. Юу хийх — үүрэг бүрд спорт, түвшин, хэдэн жил ажилласан, онцлох туршлага, цагийн үнэ.
4. Хэзээ — бэлэн хуваарь сонгож, нөхцөлийг зөвшөөрнө.

Баримт, баталгаажуулалт

• Бүгд: иргэний үнэмлэх. Шүүгч: шүүгчийн үнэмлэх. Дасгалжуулагч: үнэмлэх эсвэл диплом (хүүхэдтэй ажиллах бол ЦЕГ-ийн тодорхойлолт — заавал биш). Эмч: эмчийн зөвшөөрөл эсвэл анхны тусламжийн гэрчилгээ.
• «Профайл» → «Баталгаажуулалт» → «Оруулах» — утсаар зураг авах эсвэл PDF. Шалгаад SMS-ээр мэдэгдэнэ; үүрэг бүр тусдаа батлагдаж хайлтад гарна.
• Хугацаатай үнэмлэх дуусахаас 30 хоногийн өмнө сануулна.
• Мэргэжлийн үнэмлэхгүй ч туршлагатай шүүгч, дасгалжуулагч «Үнэмлэхгүй, туршлагатай» замыг сонгож, клуб, сургууль, спортын хорооны тодорхойлолт оруулах эсвэл баталгаа гаргагчийн утсыг бичнэ — бид лавлана. Хайлтад «Туршлагатай» гэж харагдана.

Ажил, ирц, орлого

• Хүсэлт ирэхэд SMS очно — «Хүсэлт» табаас зөвшөөрнө; захиалагч төлсний дараа ажил баталгаажна.
• Эхлэхээс 15 минутын өмнө – эхэлснээс 15 минутын дотор заал дээрээ «Ирлээ» дарна. «Ирээгүй» гэж мэдэгдвэл 24 цагийн дотор маргаж болно.
• Ажил дуусмагц 10% шимтгэл хасаад дансанд тань шилжинэ.

4. Холбоо барих

Утас: 9925-2662 · И-мэйл: info@gozaal.mn · Даваа–Баасан 09:00–18:00

Захиалгатай холбоотой асуудлыг захиалгын хуудасны «Асуудал мэдэгдэх»-ээр илгээвэл хурдан шийдэгдэнэ. Нөхцөлүүдийг Үйлчилгээний нөхцөл-өөс уншина.